LAWMTHU SAWINA
Kum 2023 MLA inthlanpui leh vote chhiar chu a hmawr kan lo báwk fel ta a. Inthlanna hun tha tak min siam sak a, damna min pe tu kan Pathian hnenah lawmthu kan sawi a. Inthlanna thianghlim leh felfai tak kan neih theihnan a thawktu kan official zawng zawngte chungah lawmthu kan sawi bawk e.
37th Lawngtlai West-a kan candidate Pu Lalnunsema min vote pui tu Lawngtlai West mipuite chungah thinlung takin lawmthu kan sawi a. Tun dinhmunah kan MLA candidate hi thlan tlin la ni rihlo mahse, hma hun éng tak leh beiseiawm tak a nei a, he inthlana a vanduaina hi a hlawhtlinna tura a rahbi pakhat ah kan ngai a ni.
38th Lawngtlai East biala kan candidate Dr. Lorrain Lalpekliana Chinzah chunga rinna nghat a, Lawngtlai East bial enkawltu tur atana thlang tlingtu ZPM party mi leh sate leh, kan candidate min support puitu Lawngtlai East bial mipuite chungah lawmthu kan sawi bawk e.
Kan candidate te'n hlawhtlinna an chan theihnana thahnemngai taka thawktu ZPM Lai District Headquarters, Block, Unit leh Campaign Committee-a kan hruaitu zawng zawngte chungah lawmthu kan sawi a. Heng zawng zawng hi inthawhrimna leh inpekna avanga chang kan ni tih kan inhria a, kan lawm em em a ni.
Kalphung thar, mipui sawrkar din tumin theihtawp kan chhuah dawn a. Kalphung tha zawk leh mipui huap zo sawrkar kan siam theihna turin Lairam mipui zawng zawngte thawhho pui atan kan sawm bawk a che u.
*" Kalphung thar, mipui sawrkar. "*
Sd /-
(SAMUEL LALDAWNGLIANA)
Secretary
Media, IT & Publicity Dept.
ZPM Lai Dist. Hqtrs, Lawngtlai 5th December, 2023.