.jpg)
Sorkar thar, Mizoram a Sorkarna la siamngailo ten thuneihna an chelh dawn a, ZPM hi an Party len vanga tling an nilo tih a chiang a, mipuiin Sorkar awmzenei an duh vanga thlangtling an ni a, anmahni pawn heihi sawi ngawt lovin an hriatchian a tul khawp mai. Sorkar thar piangtur hi mipuiin an thlirdan langchiangtak chu, inthlanpui awmleh hun ah Campaign vak ngailova an hnathawh vanga tun aia tam member neiturin an beisei.
Sorkar hi engvanginnge mipui huapzo sorkar a nih hleihtheihloh thin tih lai hi ngaihtuahtham a tling. Ruling Party worker te hian Sorkar kaldan ah mawhphurhna an neilian khawp mai. Kan Member, kan Unit, min vote tute ti a, inhungbikna pal zimte chauh ZPM Party hian a ngaihven a nih chuan, anmahni thlangtlingtute an beidawng thuai dawn tih a chiang a, a pawimawhta ber ni a lang chu ZPM Party Worker te hian an inzawrhna ang ngeiin, Sorkar dang lo kaldan nilova kalphungthar an zawh a, mipui Sorkar dintura, a tul chuan kum nga chhung chu rethei leh baihvai taka an awmngam a tul, chu chu a ni ram hmangaih tute chetdantur chu.
Engemaw therhlo ilo umin buai lo ila, nang leh kei hian kan fehkawng ngai zawh ila, kan aiawha hnathawktute hian zalen takin hna an thawhtheih nan umchep lo ila, chu chuan ram tan engchen chiahnge an thlen theih a ti lang ang.
ZPM Sorkar hi thurawnpetu an tam dawn, an dawnsawn thiam a ngai, hetihrual hian Sorkar thar hian a duh ang taka hna a thawhtheih nan a zarbuaitu leh kawng daltu ah an Party mi leh sate an tanloh a tul a, ZPM Party hian Sorkar hi hnathawktheia a siam a tul, Sorkar thar pawhin an Party worker te a hunah an kalpelh ngam a pawimawh awm e.