Lawngtlai Auto Rickshaw Association chuan an Rickshaw hmangin tanpui ngaite tan vehbur an khawn.

An lo ruahmanlawk angin vawiin hian Lawngtlai Auto Rickshaw Owners Association chuan an Rickshaw te riangvaite tan an chetchhuahtir.

Vawiin a Lawngtlai Auto Rickshaw service te chuan an pawisa hmuh ang ang chu an chhungkhawm dawn a, heta tlingkhawm chu Association in ruahmanna siamin hunpui lothleng turah fahrah, riangvaite hnen ah an hlan dawn.

Auto Rickshaw hmang kherlo, midang tana luangchhuak duh tan Lawngtlai khawpui lunlaiah bawm an hung bawk.

Lawngtlai Auto Rickshaw Owners Association chuan vawiin bik atan Auto Rickshaw hmanman bithliah an neilo tih an sawi a, Auto Rickshaw hmangtuten Lawngtlai Auto Rickshaw Owners Association kaltlanga midang an tanpuina tur kawng an hawnsak ah an remchangang tawk an pek chu an lawm viau zel tih an sawi.

Lawngtlai Auto Rickshaw Owners Association hruituten an sawidanin tun dinhmun ah Member 412 an awm mek.