Lawngtlai West bial atanga INC Candidate, MLA atan thlantlin, tuntum Mizoram Assembly inthlan a Indian National Congress atanga MLA a tling awmchhun Pu C.Ngunlianchunga chuan ZPM chuan Sorkar thatak mipui banphak an dintheih nan tawngtaipui turin mipui a sawm.
Nimin khan Lawngtlai West MLA hi Lai District Congress Committee chuan Lawngtlai Bazar Veng a an Party Office ah lawmpui hun hmangin, Pu C.Ngunlianchunga chuan ZPM Party chu Zoram mipuiin kan enchhin dawn ta a, mipui ten kan tawngtaipui an mamawh hle dawn a, Zoram siam tha a, rintlak Sawrkar an kalpui theih nan duhsakna ka hlan ani tiin, mipui leh mi harsate banphak Sawrkar, kalphungthar Sawrkar an din ngei ka beisei a ti.
Pu C.Ngunlianchunga chuan Congress Party chuan MLA 40 ah MLA pakhat chauh pawh nei mahse, an la tho chhuak leh ngei dawn tih sawiin, Congress Party mi leh sate chu zamlo tur a chah in, Sawrkarna kan la siam leh ngei dawn ani ati.
Pu C.Kapzauva, Vice President LaiDCC kaihhruai a hun an hmanna ah hian,Pu C.Ngunlianchunga'n a zawna term thum MLA a tlin lawmpuina thuziak an hlan a. Lawngtlai East Bial atanga Candidate, tling zo talo Pu H. Zothangliana Ex-MLA pawhin thu sawiin ZPM Party ah Mizo mipui ten beiseina sang tak nei a an thlangtling chu a lawmpui thu sawiin, Mizo mipuite beisei ang ngei a Sawrkar tha an kalpui theih nan duhsakna a hlan tih a sawi. Pu J. Ropianga, President LaiDCC pawhin thusawiin, MLA term thum tling zawn thei an nei chu lawmawm atih thu sawiin, a kal zelna turah duhsakna a hlan.
Tags
News