Red Ribbon School Quiz Competition ah Harvard HSS in lawmman pakhatna an la.

        Sorkar thuchhuah a tarlan a nihdanin, vawiin khan LAHAS, AOC Veng, Lawngtlaiah District AIDS Prevention and Control Committee leh Mizoram State AIDS Control Society tangkawp buatsaih, zirlaite hnen a HIV   lak a inven dan, a   vei te enkawl dan leh a inkaichhawn dan inzirtir nana Red Ribbon School Quiz Competition hmawrbawkna hun buatsaih a ni a. District Level Red Ribbon School Quiz Competition ah hian Lawngtlai district chhung a School 43 atanga a titha thlanchhuah 8 te telin Harvard Higher Secondary School te chuan lawmman pakhatna an la a, LAHAS   chu pahnihna an ni.

          Dr. S. Thaizi, Senior Medical Officer chuan District Level Red Ribbon School Quiz Competition-a tel te leh chhimtute lawmna thu sawiin Lawngtlai district-a zirlaiten he Quiz Competition kaltlang hian HIV   chungchangah hriatna zau zawk an neih phah a rin thu leh he natna darh zel tur venna kawng a hma latu pawimawh tak an nih chhoh a beisei thu a sawi.

         Lawngtlai district-a school 43 te chuan zawhna thuhmun hmangin ni 28, August, 2023 khan inelna hmasa neiin heta titha   school   8 thlanchhuahte chuan vawiin khan  inelna an nei leh a, Pu Elvis Lalthanzuala, Vice President, MJA Lawngtlai district chuan he inelna hi kaihruaiin Harvard High School leh   Lairam Higher Academy of Science, Govt. Mampui Middle School, Govt. Mampui High School, Govt. Lungpher South Middle school, Synod Home Mission High School, Bungtlang South leh Green Hills Christian Academy Higher Secondary School atangin zirlai 2 zel telin, District Level Quiz Competition-a pakhatna hian lawmpuina thuziak leh pawisa fai Rs. 5000 a keng tel a, pahnihna in Rs. 4000, pathumna in Rs. 3000 a keng tel a, Consolation prize Rs. 2000 awm bawkin Memento hlan an ni bawk.

         Quiz Competition hi Dr. Dorris Lalrinawmi, SDC leh Pu Hmingthanzuala, DIPRO-ten an telpui a,  zirlai leh zirtirtu thahnem tak an tel bawk,

      Pakhatna Harvard Higher Secondary School hian State Level Quiz Competition-ah Lawngtlai District ai an awh ang.