LADC hnuaia Adult Education Wing buatsaihin International Literacy Day hman ani.

Rev.Thanzinga Memorial Middle School, Chawnhu a he hun an hman hi Pu C.Sangthanzuala, District Council Asst.Education Officer chuan a kaihruai a,   khuallian Pu Andrew Laltlanzara, LADC-a Executive Member, Middle School changtu chuan International Literacy Day chu kum 1966 atanga hman tan anih thu sawiin, Kum 2011 Mizoram Chhiarpui ah, Ziak leh Chhiar thiam tehna ah Mizoram chu   91.58% kan ni a, India ram pumah Ziak leh Chhiar thiam  tehna ah Mizoram chu 3-na kan ni tiin, Mizorama District zingah Serchhip chu Ziak leh Chhiar thiam tamna ber niin, Lawngtlai District chu Ziak leh chhiar thiam lo tamna ber an nih thu a sawi.

Pu Andrew a chuan   Ziak leh chhiar thiamlo kan tamna chhan hi chhuanlam tur thatak awm mahse, Zirna kawngah tun aia nasa leh zuala kan tan angai a ti a, Zirtirtu ten nasa zawka tan an lak angaih thu te, hlawh lak nan maia Zirtirtu hna chu thawk lo a, tihtakzet a Zirtirna hna thawh chu an  mawhphurhna anih thu a sawi  . Puitling ziak leh chhiar thiamlo ten ziak leh chhiar an lo thiam theih nan LADC Adult Education Wing chuan hma a la   zel a, Ziak leh Chhiar thiamlo tamna Thingtlang khua ah te a bik a Zirtirna pe turin Instructor pawh engemawzat an chhawr mek tih sawiin,    Zirtirtu zingah, chhuanlam ho te te hmanga aikal ruai thin, an awmna khawtlang leh Kohhranah a kul ataia inhmang peih leh si te hi mipui te hian kan ngaihsan loh ngam, a hun ta hle ani ati.

He hunah hian Pu C.Lalthlamuana, Assistant Proffessor, Govt Lawngtlai College chuan Adult Education chungchang a tobul atangin a sawifiah  a, Lawngtlai District bik tan Adult Education pawimawhna te, Lawngtlai District in hmalam hun eng tak a neih theihna tura Zirna ngaih pawimawh a tul thute   a sawi.

He hunah a tel Zirtirtute leh Chawnhu Khawtlang hruaitute atangin thusawi ngaihthlak ani a, Pu F. Lalhmachhuana , Education Officer, Middle School LADC chuan lawmthu sawiin hun a khar ani.