Justice Nelson Sailo chuan Lawngtlai a tlawh.

Nimin Zirawtpni khan Honb’le Justice Nelson Sailo, Judge Guwahati High Court chuan Lawngtlai a tlawh.

 

Pu Nelson Sailo hian Siaha atangin Lawngtlai hi a lut a, Lawngtlai a Law & Judicial a thawktu ten lo dawngsawngin, Lawngtlaia Judicial Qrts sak mek, Type I & II Rs 119,90,755/- senna tur leh Judicial Qrts Grade II Rs 95,19,999/- senna tur sak mek chu a hmunah kalin a enfiah a, heng Qrts sak mek te chu a zawh hun tur a ruahman chu pel tawh mahse, a rang lama hnathawk zo turin Contractor te chu a ngen a, Lawngtlaia thawktute chenna tur Qrts in daih lohna chu a rang lama phuhruk anih theih nan hnathawktute chu an hna thawkzo thuai turin a chah bawk.

Justise Nelson Sailo hian Qrts sak mek a en zawh hian, Chief Judicial Magistrate Office tlawhin Sawrkar mi pawimawh Lawngtlai DC, SP Lawngtlai leh DRDO Project Director leh Official thenkhatte Meeting a neihpui  a,  Sawrkar in relbawlna a thil pawimawh hrang hrangte a sawipui.

Justice Nelson Sailo hi Pu Joel Joseph Denga, Registrar, Guwahati High Court, Aizawl Bench leh Pu Thomas Lalrammawia, Deputy Secretary ten an tawiawm.