Vawiin chhun khan Lawngtlai Press Club ah , Pu Hmingthanzuala, District Information & Public Relations Officer, Lawngtlai leh Mizoram Journalist Association, Lawngtlai district member-te inkawmin Lawngtlai district-a thutharthehdarh kawng a thawhho dan tur an sawi ho.
Pu Hmingthanzuala, DIPRO Lawngtlai District chuan thutharthehdarh hna chu hna hautak leh inpekna thuk tak ngai a nih vangin ram leh hnam tan a rawngbawlna anga ngai chung a thawh a tul thu a sawi a, khawvel changkanna in a ken tel Media Platform hrang hrang hmanthiam a tul thu leh mipui nawlpui tan a thil tangkai leh chhawrtlak thehdarh tam a pawimawh thu a sawi
Assembly inthlanpui kum anih angin mahni duhthlanna dik hmang tur a mipui zirtir kawng ah te, Vote thlak ngai pawimawh tur a inzirtir tam a pawimawh thu DIPRO chuan sawiin inthlanna felfai leh langtlang kalpui a nih theih nan inthlanna buatsaih kawng a mawhphurtute chu theihtawp a thawhpui zel turin a chah bawk.
Pu Lalngheta Ralte, President, MJA Lawngtlai District chuan MJA Lawngtlai District dinhmun tlangpui sawiin, Lawngtlai district-ah MJA member 10 leh nitin chanchinbu chhuak 5 a awm mek thu te, MJA member leh an chenpui te hriselna enkawl kawng a hamthatna ruahman a nih dan te, Lawngtlai District MJA Pension Scheme kalpui a nih thute, Chanchinbu kaltlang a thu rintlak leh belhchiandawl chauh chhawpchhuah a nih theih nan Media Campaign, Journalist Workshop buatsaih a nih thin thu te a sawi.
Lawngtlaia DIPRO leh District MJA te inakwmhona ah hian Electronic Media hman tangkai theih dan te, Sawrkar advertisement kalphung leh Election kaihhnawiha a tulna apiang a mipui zirtir tur a thawhho dan tur te ab sawiho zingah a tel.
Tags
News