Lawngtlai West MLA in Lawngtlai leh a chhehvela hmasawnna hnathawh tha tawklo a ti.

Nimin Thawhtanni khan Lawngtlai West bialtu MLA, Pu C.Ngunlianchunga chuan Lawngtlai College Veng leh Mampui a PMJVK atanga Infiamna tihchangtlun nan a hmalakna leh Thingkah a 3rd IR Batallion hmun a tlawh.

Pu C.Ngunlianchunga chuan Lawngtlai College Veng a Residential Sport School sak mek leh Mampui a Sport Complex sakmek a Balu hmante chu a chhe tih sawiin, hmasawnna ruhrel din nan hmanraw thalo hman a ni chu pawi a tihthu sawiin, hnathawktute chu hmanraw tha chauh hmangturin a ngen..

Sports complex Mampui  chhungah   Basketball court siam mek a awm a, sports complex pawn chhiah ah Basketball court bawk siam a ni chu Lawngtlai West MLA chuan khawdang ah mamawh an tamlai a inhnaih taka pahnih dah a ni ngawt mai chu semrual theih nizawk se infiammiten an tangkaipui zawk a rin thu a sawi.

Pu C.Ngunlianchunga hian Lawngtlai bul, Thingkah rama 3rd IR Batallion hmun pawh tlawhin Building sak chhe lutuk chu pawi a tih thu sawiin,building sak lai pawn amah ngeiin a lo tlawh tawh thu leh, hmanraw tha hmangtur pawn a lo ngen tawh thu sawiin  Sorkar hian hmasawnna minngaihtuahsak hi a lawmawm tehreng nen, hnathawktu lam inthlahdah thin hian a nihtur ang a nihpha lo hi a pawitakzet a ni a ti.