Editorial || MIPUI MAWHPHURHNA A LIAN.

Sorkar chu mipui vanga awm a ni a, mipui rorelna ram, ah mipui in an aiawh tur an thlang a, chungmite chuan ram kaihhruai hna an thawk a, an hna ber chu, ram hmasawnna tur a hmalak a ni. Hetihlai hian, mipui ten an beisei angin ram hian hma a sawn em ? Engchennge mipui lam hian sorkar lak ah beisei an neih ?

Democracy ram ah, mipui ten an aiawhtur a an thlan te chuan, mipui, an mahni thlangtuten an laka beisei an neih mil thei tur angin hma an lak a ngaihna chin a tam viau a, vote zawng an ni a, an thiamawmna chin a awm laiin, mipui hi voters ringawt an nilova, khua leh tui an ni tih an hriat tel a pawimawh a, hetihrual hian, ram hruaitute chuan mipui tihlungawi chu an tum ber pakhat a nih miau vangin, mipui sukthlek hian ram inrelbawlna a nghawng a, heivang hian mipui mawhphurhna hi a sang takzet a, inthlanpui hmachhawn mek ah pawh hian mipui ten an pawimawhna hria a, Party ruihchilhna dahtha a, ram tan tutenge tha ang tih nguntak a thlir chung a, an aiawhtutur an thlan a pawimawh a, he ram hian anni ho hi innghahna tlak ah a ngai em? mahni lam indahtha a, ngaihtuahna fim hmang a mipui lam in an mawhphurhna an hlen a pawimawh hle a ni.