Lawngtlai District Land Owners Association General Meeting, nimin a neih ah Sorkar an nawrna thlahdul lovin kal chhunzawmzel nise an ti
Land Owners Association hruaitute hnen atanga The Lawngtlai Post in thu a dawn danin, High Court in ram neitu diktak a finfiah mi 138 ten zangnadawmna an hmutheilo chu engtikawngmaha hriatthiam theih a nilo an ti a, zangnadawmna ngiata August 1, 2023 atanga Deputy Conservator Of Forest (WL) Chhimtuipui Wildlife Division, Lawngtlai Office a kaitur an dan leh, Kaladan Multi Modal Transit Transport Project kawngpuia an ramchhungah hnathawktu Company te chetchhuah an remtihloh chu nimin August 23, 2023 a General Meeting an neihah thlirhovin, an kaldan ngaia kaltlang zel nise an ti.
Zangnadawmna an ngiat chungchangah Sorkar atangin vawiin thlengin thulawmawm an la dawnglo tih Ram neitute chuan an sawi a, Khawthlang mipui ten KMMTTP road an hman theih loh vang a harsatna an tawk chu pawi an tih thu an sawi a, heng harsatna thleng hi Sorkar in chingfel thuai se an duh tak zet tih Lawngtlai District Land Owners Association chuan an sawi.