Kick off programme hmanpui tu khuallian Pu Elvis Lalthangzuala chuan, Sangau Zone Football Association hruaitute’n thalaite hmakhua ngai a, football tournament buatsaih ani chu hruaitute inpekna ani tih hairual ani lova. Chuvangin, player leh coaching staff te pawhin thuawihna nun nei a, inkhel hmuhnawm tak min entir kan beisei tak zet ani, a ti.
Sorkar duhsakna chang a, khelhmual tha zawk a awm theihna tura hmalakna a awm mek zel te chu lawmawm a tih thu a sawi a. Tunlai thalaite zingah ruihhlo avanga buaina tawk mek tam tak awm in, heng mite buaina ah hian keini infiammite chu zuang lut lo ila. Infiamna hmanga thuawihna leh mahni inthnunna nei chunga ruihhlo hi kan do tlat a ngai ani, a ti bawk.
Kumin Independence Day Football Tournament khel tur team sawmparuk te chu hlawhtlinna chang turin duhsakna hlanin Sangau Zone Football Association buatsaih I-Day Football tournament chu a ‘kick off’ a ni.
He hun hi Sangau Zone Football Association President Pu K.Ramlianthanga’n kaihruaiin Pu MC.Lalthasiama’n zone report a pe bawk a. Lawngtlai District Football Association Jt.Secretary Pu Rohmingliana chuan Sangau Zone Football Association ten an hman atan Football pahnih leh tanpuina sum a hlan bawk ani. Tin, Sangau Zone Football Association hruaitute hian LDFA Sr.Vice President chu lawmthu sawina thuziak an hlan bawk a ni.
Tun tum tournament ah hian team 16 telin Independence Day ah Final hi khelh ani ang