Lawngtlaia chammek Assembly Deputy Speaker Pu H.Biakzaua chuan vawiin khan Lawngtlai-III leh Electric Veng leitlahniam a hmunah tlawhin, thilawmdan District thuneitute leh Bialtu MDC leh Veng pahnih khawtlang hruaitute nen an thlirho.
Helai leithlahniam hi kum 1995 atanga intan tawh niin kum 2019 atang khan a chezui lova, kumin Nikir khawcheng ah rawn chenawn leh in, nizan thleng khan tlem tlemin a chetbelh tih khawtlang hruaitute chuan an sawi
Deputy Sepaker Pu H.Biakzaua hova Lawngtlai DC Pu H.Lalhmingthanga leh Additional DC Pu Abraham Beirazi Khithie leh Laawngtlai-III bialtu MDC Pu T.Lalengmuana leh veng pahnih hruaitute thukhawm chuan leitlahniam vanga harsatna thleng chu leilung chanchin hremiten a ranglama a hmunah an enfiah theih nan hmalak tha an ti a, helai hmun chhannan Detail Project Report siamthuai a nihtheih nan District Administration lamin buaipuitur tul hmasate lo buaipuise an ti a, helai hmun chhanan a hma lo lak tawh dante thlirin, leitlahniam chhan nan a Sorkar leh khawtlang tangrualin tuiluankawr mumal zawk siamte, chhungtinte tuichhe luanna awmzenei zawka ruahmante chu ngaihpaiwmawh hmasak ah neih tul an ti a, leilung zirmiten an enfiah hnu ah hmalakna lianzawk a awmtheih nan bawhzui nise an ti.
Lawngtlai DC Pu H.Lalhmingthanga chuan helai chhiatna thleng chu nguntaka an vilreng thu a sawi a, thuneitu sang zawkah report hmasa an thehluh tawh thu sawiin, hmalakna tur tul te bawhzui zung zung a nih tur thu a sawi.
Tuntum leiche ah hian Electric Veng ah chhungkua 23 chu hmunhimlam ah sawn niin, In dinglai pahnih thiah mek a ni a, Lawngtlai East bialtu MLA, Deputy Speaker Pu H.Biakzaua chuan hnatlang thingpui lumnan Rs.5000 a lo pek tawh bakah hnatlan chhunzawm ngai a la awm nual vangin vawiin khan Rs.5000/- a pekbelh.
Tags
News