CMO hovin Medical Team ten Saizawh East an tlawh.

Lawngtlai District chhung, Paithar MDC bialchhung, Saizawh East khua ah damlo an tam vangin nimin khan Dr David Zothansanga Chief Medical Officer, Lawngtlai hovin Medical Team ten In 115 awmna  Saizawh East  tlawhin damlo 160 chuang an en.

Health Department hotuten an sawidanin Saizawh East a damlo te hi Tlang hrileng,khawsik leh hritlang an tam ber a, Medical Team te hian damlo te tlawhin an enfiaha, mi 105 chu Malaria an vei leh veiloh en niin Malaria vei hmuhchhuah an awm lo. Medical Team te hian damdawi an mamawhtur angte an pe a, damlote an In ah an kan bak ah hriselna lam inzirtirna te neiin, damlo thenkhat chu Lawngtlai lama an dinhmun enfiahzui ngai an awm a, vawiin khan damlo 25 vel chuan inentir turin Lawngtlai an pan.

Lawngtlai District Land Owners Association ten zangnadawmna an phut vanga Kaladan Multi Modal Transit Transport kawngpui a hnathawkte tunthla tir atanga chetchhuah an remtihloh vangin helai kawng hi leimin in a hnawh nasat vangin Rulkual lam ah Paithar tlangdung ah harsa takin Lawngtlai an pan tih inentirtura Lawngtlai pantute chuan an sawi.