KVK, Lawngtlai chuan kuthnathawktuten hlawk zawka hma an laktheih nan thlai chi hrang hrang, engmeawzat chu a chin hun nilovah a hlawhtling takin a thar theih leh theihloh an lo enchhin tawh a, enchhinna hlawhtling tak tak an nei nual tawh.
Kumin May thla khan Nihawichi, COH3 Variety chu Chawnhu a KVK hmunpui ah an ching tan a, vawiin khan Nihawichi hi sengin, KVK hotute chuan Nihawichi an chin chhin chu a hlawhtling viaua an hriat thu sawiin, Lawngtlai District ah Kum 2018 a siamchhuah, Nihawichi thar COH 3 hlawhtling taka an thar thei chu lawmawm an tih thu an sawi.
Kuthnathawktute tan Nihawichi tha chi COH3 chu chin ngam a ni tih KVK Lawngtlai ten an finfiah chungchangah KVK hotute chuan kuthnathawktu, Nihawichi chin lama tuimi leh ching duhte tan a chindan, enkawlzui dan leh tulpawimawhte kawhhmuh turin an inhawng reng tih an sawi.