UCC dodalna Lai DCC in Areopagy ah an huaihawt.

Vawiin khan Lai District Congress Committee chuan Areopagy, Lawngtlai ah Uniform Civil Code dodalna hun an huaihawt.

Lai District Congress Committee President  Pu J.Ropianga Chinzah chuan Uniform Civil Code  chu Hindu sakhaw zuitura thiamtaka innawrluihna hmanrua a ni a ti a, India rama hnam tlem zawk leh Hindu nilo Sakhaw dangte tan chuan UCC chu thil hlauhawm tak a nih thu sawiin, UCC hi Parliament ah pass a nih chuan, kan hnam dan leh inrelbawlna neih ve te chu kan hmang thei dawn lova, India ram pumah dan pakhat kan hmantur ruahman chu kan zawm vek a ngai dawn a, Kristian te tan phei chuan nasa taka dodal a, kan Pathian kan auh nasat a pawimawh a ni a ti.

Lai District Congress Committee President chuan UCC hman a nihtheih nan a hmalatu BJP Sorkar thawhpui hi Ram, hnam leh Sakhaw himnan thil tihchi a nilova, State Sorkar a rorelna changmektu te pawn BJP an thawhpuina hi ram hmangaihna atangin hnukkirse an ngen tih a sawi a, Parliament in pass mahse, North East India ah hman a ni ve dawnlo ti a insawi thlamuan chu, thiam taka he dan hnuaia inhnuhluhna hmanrua mai a ni Congress President chuan a ti bawk.

Vawiin a Lawngtlaia UCC dodalna lantirna ah hian Central Sorkar in UCC hman a nihtheih nan a hmalakna a kalpui chu suttur a an duh thu Resolution siamin an passed.