Rashtriya Krishi Vikas Yojana (RKVY) Scheme hnuaiah LADC hnuaia Agriculture Department chuan kumin chhungin, kuthnathawktu 85 hnen ah a man chanve in huan samna khawl pekchhuah an tuma, a thawhkhat nan vawiin khan huansamna khawl hi Agriculture changtu Executive Member chuan kuthnathawktute hnen ah a pechhuak a, kuthnathawktuten hahdam zawk leh hlawk hlawka an huan an enkawl theih chu Sorkar in a duhpui vangin, mantlawm zawka an leitheih turin huan samna khawl chu ruahman a ni a ti.
Vawiin vek khan Horticulture Department, LADC ten Mampui Seed Farm a an kuithiah Thingfanghma tiak chu Pu Lalropuia Chinzah chuan kuthnathawktute hnen ah a semchhuak a, tuntum ah hian Thingfanghma tiak 2000 semchhuah tum a ni.
Executive Member hi LADC Agriculture Officer Pu C.Lalmuanvela leh Horticulture Officer Pu T.Zoramnghawra leh thawktu dangten an tawiawm.