District Transport Office, Lawngtlai ah, lirthei 9606 ziahluh a ni tawh.

Lawngtlai ah hian December 14, 2007 khan District Transport Office hi kalpui tan a ni a,  hetia mahni a, a indan hnu hian thawktu indaihlo leh harsatna eng eng emaw hmachhawn tho mahse, rampum leh khawtlang huapa Office khar ngai a nihloh chuan mipui dawr theih in hawn reng a ni a,  kumin January thla atanga vawiin thleng khan DTO Office Lawngtlai ah hian Lirthei  492 ziahluh a awm tawh a, tun dinhmun ah MZ 07 hi 9606 a tling tawh a ni.

Motor Vehicle.Inspector.Pu Joseph Lalthansanga Pachuau chuan, lirthei neitute chu an lirthei Document te chik thin tur leh lirthei rintlak chauh khalhchhuak thinturin a chah a,  lirthei ziahluh leh Driving license mamawh te, DTO Lawngtlai in a khawihtheih chin, Lirthei leh a kaihhnawih ah te, mipui tan an inhawng reng tih a sawi.