Chamdur 'P' in an khua tihmingchhetu ah Sipai leh Police an puh.

Ralthuam man chungchang ah an khua tihmingchhetuah Lawngtlai District, Chamdur ‘P’ a NGO leh Village Council chuan Assam Rifle leh Police an puh.

Vawiin khan Chamdur ‘P’ a NGO leh Village Council chuan thuchhuah intawm siamin, Assam Rifle leh Mizoram Police tangkawp ten July 17, 2023 khan Chamdur ‘P’ Lawngtlai District ah  lei laihkhuar ah Geletine, Detonator leh Silaimu an man thu thehdarh a ni an ti a, hemi chungchangah hian Chamdur ‘P’ NGO leh VC te chuan thilawmdan an chhuichianga, Sipai lam pawh thil awmdan an zawhfiah thu an thuchhuahah tarlangin, Sipai lam chuan July 16, 2023 zan khan Saibawh leh Vathuampui inkar, PWD Kawng Chamdur ‘P’ peng ah mipakhat manin, a Bag an enfiah laiin a tlanbo thu an sawi a, tihngaihna an hriatloh vangin leilaihkhuara ralthuam man angin thu an thehdarh tih an thuchhuah ah an tarlang.

Chamdur ‘P’ NGO leh VC te chuan thudiktawklo hmanga  Sipai leh Police ten an khua an tihmingchhia chu pawi an tih thu leh hriatthiamhar an tih thu sawiin, tun hnuah thleng nawn tawhlo se an duh thu an thuchhuah an tarlang.

An thuchhuah ah hian VC, Young Lai Association, YMA, MHIP leh Bawm Students Association aiawh ten hming an ziahnan