S.E, PHED, Lunglei WATSAN Circle in GLWSS tihlenna tur a enfiah.

    Er.K.Zohmingliana, Superintending Engineer, PHED, Lunglei WATSAN Circle chuan vawiin khan Lawngtlai WATSAN Division hnuaia hmalakna thenkhat   a hmunah a tlawh.

    S.E , Lunglei WATSAN Circle hi Er Netralal Jaisi, Sr.E.E leh thawktu dangten lo dawngsawngin, Greater Lawngtlai Water Supply Scheme tihlenna tura ruahmanna kalpui mek ah, tuilakna hmun Chhimtuipui leh a chhehvel te  tlawhin Pump House leh he Scheme tihlenna tura mamawh hrang hrang duanmekte a enfiah a, tundinhmun ah Lawngtlai tuilak chuan mipui a chawmzawh tawhloh vangin tuilakna hi a pumpuiin tilianturin PHE Department chuan hmalakna an kalpui mek a, Detail Project Report siammek niin, peihfel a ni tep tawh.

    

    PHE Department S.E chuan Lawngtlai bul Thingkah rama 3rd IR Batallion hmunpui chawmtura tuilakna hnathawhmek pawh a hmunah a enfiah a, helai tuilakna hi zawhfel a ni thuak tawh a, tunlai hian enchhin mek niin, enchhinna a hlawhtlin chuan hmanzui theiha hawn maitheih a ni dawn a ni.