Pu Lalnunzira, AOC Veng Lawngtlai chuan National Award “Best Innovative Farmer” a dawng.

KVK Lawngtlai enkawlna hnuaia NICRA (National Initiative on Climate Resilient Agriculture) Project ah Pu Lalnunzira  AOC Veng Lawngtlai chuan National Award “Best Innovative Farmer” a dawng.

Nimin tlai khan KVK Lawngtlai chuan Pu Lalnunzira'n Award a dawn hlanna leh lawmpuina hun, KVK hmunpui, Chawnhu, Lawngtlai ah an buatsaih a, he hun hmanpuitu Lai Autonomous District Council a Executive Member, Agriculture changtu Pu Lalropuia Chinzah chuan, tihtak taka thawktute tan kuthnathawh chu intunnunna tham a tling tih sawiin, bei fan fantute chu Sorkar pawn a hre thin a ti a, KVK Lawngtlai ten kuthnawktute kaihruaia, dawmkan kawngah hma an lakna chu chhuanawm a tih thu sawiin, Pu Lalnunzira'n chawimawina hlutak a dawng chu midangte chhophurtu nise a duh thu a sawi

 Dr.C.Lalfakawma, Senior Scientist & Head, KVK, Lawngtlai chuan Pu Lalnunzira chu pa taima, tunlai thiamna leh hriatna hmanga kaihhruaina zawmthiam leh mahni a inhaivengtura loneih lama tuimi a nihna chu chhuanawm a tih thu leh midangte chhochhuak theitura hma a la thin chu fakawm a tih thu a sawi.

Pu Lalnunzira hi   mi taima leh rem hre tak mithiam te zirtirna leh enkawlna zawma thu awih taka huan siam ani a,thlai chin dan kalphung   hrang hrang te, leilung enkawl dan te, tui pek dan   te, Leitha siam  leh tunlai mila huan siam leh enkawlna hmanrua tangkai chher chhuah kawng ah te midang tih hmuh tu a nihna te uluk taka zirchiang a nih hnu ah  “Best innovative farmer  Award” hi hlan ani. 

He award hi ICAR- CRIDA (ICAR- Central Research Institute for Dry land Agriculture), Hyderabad ten an pek niin India rama ICAR- ATARI (Agriculture Technology Application Research Institute) Zone –VII (Northeast) atangin a dawng ani.