Ramkip Um Thantlang Peng Conference- Myanmar, Chin State a Thantlang khawchhuak khawvel hmun hrang hrang a awm te inkhawmpui, June 2 & 3, 2023 a, Indianapolis, Indiana, USA ah neih chu Pu Joseph Lalhmingthanga, General Secretary, Central Young Lai Association, Lawngtlai chuan a hmanpui.
Myanmar ram a buai hnu a Sept, 2021 -a Sipai Sawrkarin khua an hal tak Chin State khua te din thar lehna tur ngaihtuaha Conference hi neih niin, Khawvel hmun hrang hrang a, Chin hruaitu awmte an kal khawm a, he hun ah hian Pu Joseph Lalhmingthanga chuan Central YLA chuan Kum 2021 February ni 1 atanga Mynmar ram a buai atanga vawiin ni thlenga, Myanmar atanga an sahimna zawnga Lawngtlai District a lut te chu Central YLA chuan theihtawp chhuaha a buaithin thu sawiin, Sorkar duhdan leh ruahmannate pawh nghak hmanlo leh, a tulna in a nan tawh vanga an thiam ang anga raltlante an buaipui chang pawh a awmfo thu a sawi a, Laifate hi khawvel ram hrang hrangah awm mah ila, thisen a kan in zawmna hian min tih pumkhat tlat avangin khawi hmunah pawh awm ila, kan mal lo ani tih i hria ang u a ti
He hunah hian khawvel hmun hrang hranga Chin Organisation awm 12 te an kal khawm a, Pawl hrang hrang kal khawm te khaikhawm tu pawl thar Thantlang Council International(TCI) an din a, he pawl hian hmalakna a kalpui nghal dawn a ni.
