May 9, 2023 a CADC inthlanpui neihruala,BJP Candidate a thih vanga inthlanna neih theihlohna Rengkhasya bial ah vawiin khan boruak muanawmtak hnuai ah mipuiten vote an thlak a, khawi hmun atang mahin thil duhawmlo thleng hriattur a awmlo.
Rengkhasya bial hi Returning Officer, Lawngtlai DC, Pu David Lalthantluanga chuan thutchilhin, Polling Station hrang hrang te a tlawh.
Rengkhasya MDC Constituency-ah hian polling station pathum awmin, Rengkashya Polling Station-ah voter 618 (mipa 322 leh hmeichhia 296) an awm a; Futsury Polling Station-ah voter 478 (mipa 256 leh hmeichhia 222) awmin, Lukkisury Polling Station-ah voter 315 (mipa 174 leh hmeichhia 141) an awm bawk a. Bial pum puiah voter mipa 752 leh hmeichhia 659, an zavaiin voter 1,411 an awm a, vawiin a inthlanna ah hian Vote 1314 a tla.
Hriattheih chin ah vote tla hi 93.12% vel niin, he inthlanna a vote tlate hi naktip Zirtawpni zing dar 8 atangin Chawngte ah chhiar a ni ang.
