Hmawngbu a Raltlante nawrkir an ni dawnlo.

        Thlahlui April 27 zinglam a Bangladesh atanga an sahimna zawnga Hmawngbu, Lawngtlai District a tlanlut mi 31 te chu nizan khan Assam Rifle lam ten nawrkir tuma an beihna chu khawtual miten lo dangin, buaina liantham thleng a awm lova, Lawngtlai DC chuan thuneitu sang ah thlen nghalin Raltlante hi nawrkir an ni dawnlo.

        Hmawngbu khuaah hian mi 31 lutthar tellovin  Bangladesh raltlan   81 an awmsa a, Assam Rifle ten tunhnaia rawnlut mi 31 nawrkir an tum chu khawtual miten hrethiam lovin, an sahimna atana rawn beltute chu nawrkir an remtilo tih Assam Rifle hotute hnenah sawiin, Assam Rifle lam chuan an hotute thu anga an nawrkir a ngaihthu sawi mahse, innawr buaina erawh a thleng lova, vawiin lam ah pawh Hmawngbu khawtlang hian awmnikhamin Assam Rifle ten raltlante an nawrkir hlauvin a tuldana cheturin an inbuatsaih.

    Hmawngbu thilthleng hi hriat a nih ve leh Lawngtlai DC chuan Home Department lam ah thilawmdan hrilh nghalin, Sorkar chuan hmala nghalin tundinhmunah chuan raltlante hi Assam Rifle ten an nawrkir hlauhthawnawm a nihloh thu The Lawngtlai Post a hrilh.

    Vawiin khan Central Young Lai Association hruaitute chuan Lawngtlai DC Pu David Lalthantluanga hmuin raltlante thlamuangtaka an awmtheih danturte an sawiho.