Lawngtlai ah Electrical Safety Day hman ani.

      Vawiin khan Lawngtlai Electric Veng Hall ah, Lawngtlai Power Division huaihawtin Electrical Safety Day hman a ni.

     He huna khuallian, Lunglei Power Circle a S.E. Er. Laltlanthanga chuan Electric vanga chhiatna thleng palh a awm reng rengin a rangthei angberin thawktute hnen ah hrilhhriat thin chu himna atan thiltangkai a nih piahlamah pawh vanduaina lianzawk a thlen palh pawhin a hnulam ah zangnadawmna leh chhawmdawlna buaipuina ah a pawimawh hle a ni a ti a, Lawngtlai bul Chawnhu a 33 KV Sub Station chu 132 KV Sub Station a tilian turin hnathawhmek a ni a, kumin chhungin zawhfel hman tumin theihtawp chhuah a ni a ti a, puitlin a nih hnu chuan Power chaktha zawk pekchhuah theih a ni ang a ti.

    

   Lawngtlaia Electrical Safety  Day hmanna hi Lawngtlai Power Divison a E.E, Er Ramdinsanga'n a kaihruaia, Electric laka himna tura hriattur pawimawh te Pu Laltanpuia J.E Lawngtlai Power Sub Division chuan sawiin, mipui lam atangin Power & Electricity Department kalphung leh hriatduh an neihte zawh niin, Department hotuten an chhanga, Electric ban sawn chu a senso zawng zawng, sawndiltute tumtur a nih thu te, Electirc ban a lawnman a awmloh thute sawilan niin, Department lamin mipui atanga zawhna awm, an bawhzui tur ang chite chu Lawngtlai Power Division chuan a bawhzui dawn a ni.