Vaseikai Lei chhia helna siam ani. Buhfai thiarvelna ah harsatna a awmlo.

         Kumin March 27 chhuna Vaseikai leh Longpuighat inkara Tuichawnglui a Lei chu Truck in a zawhlaia a chim hnu ah, a helna siam niin, heihian Nitin mamawh chakkhai hrang hrang thliar velna ah Sorkar leh mipui tan harsatna   thleng tur a tiziaawm hle.

Lei chhiat vanga Buhfai thiar velna chungchang enfiahin DCSO Lawngtlai Pu Lalrinsanga chuan Vaseikai leh a chhehvel khuate tlawhin, tun dinhmun ah Tuichawnglui motor a kalkaina tur siam a nih tawh vangin Buhfai thiarvelna ah harsatna an tawklo tih DCSO chuan a sawi a,  Devasora North a Lei chu a rawp deuh tawh vangin Motor lian full load tan zawh phal a nilo a, hetiang hi nimahse, a theih ang angin Buhfai chhekkhawl hna chu thawh chhunzawm a ni a ti.

DCSO Lawngtlai Pu Lalrinsanga chuan fur ruahtui tlak hnu ah Lawngtlai District a khua engemawzat chu lirthei hmanga tlawhpawh a harsat thin vangin, Centre hnai ber ah Buhfai chhekkhawl thin a nih thu sawiin, Vaseikai Lei chhe mahse, a helna siam atangin buhfai chhekkhawl hna hi ngawrh zawkin kalpui a ni a ti.

Vaseikai Lei chhia in a nghawng  khua 14 a mihring 9166 te hian thlakhat ah Buhfai Quintals 824.81 an mamawh a, tun dinhmun ah Damdep Kudam ah Buhfai Quintals 6390 a awm mek a, Vaseikai ah Quintals 9400 a awm mek bawk.