.jpg)
Mizorama Tlang sangber Phawngpui tlang chu tunhnai khan Govt. Champhai College a Geography Department ten an tehna ah he tlang sanzawng, Directorate of Science & Technology in a chhinchhiah Feet 7077 chu Feet 29 in a tlinglova, Govt.Champhai College lamin an tehna ah chuan Phawngpui tlang chu Feet 7048 a ni.
Hei hian ngaihven a hlawh viaua, a bikin Phawngpui tlang awmna Lawngtlai District mipui phei chuan an ngaihven nasa zual a, tlang san zawng tehna hmanrua an hman lah mipui hriatthiam theih zawng a sawifiahna a awm lemlo bawk nen, a tehtu a zirin a danglam chho fo mai ang tihte pawh hlauhthawnna mipuiah a intuh chho mek a nih hi.
Phawngpui tlang hi Feet 7100 ti a hriat thin kha a nihlaiin Directorate of Science & Technology lamin an chhinchiah dan chuan Feet 7077 a ni a, tunah Feet 7048 a nih thu a darh leh a, engbernge dik tih pawh hriatfuh harsa ah he tlang sanzawng hi a awm mek.
Tute teh nge rintlakber a, Sorkar hian engnge a rin dawn a, hetia mipui rilru leh zirlaite thlenga ngaihtuahna tibuai thei thil a awmmek lai hian, Sorkar hian tehtha se a duhawm ngawt mai.
A hmalama lo chhinchhiah pawh a diklo thei a, hmanrua tha leh changkang zawk a awm tawh hnu hian Phawngpui tlang sanzawng diktak hriat hi a tul a, a khairual leh mipuiin an rinber tur Sorkarin ngawih a chuh chuan, inhnialna tawp theilo a hring chhuak tam deuh deuh in a rinawm.