Ngengpui Wildlife Sanctuary ah Forest Deptt. in mit an siai lo.

    Ngengpui Wildlife Sanctuary chhung ah dan kalha thingzai awm leh Motor kawng sial ni a sawi awm chu belhchiandawl a nihloh thu Deputy Conservatior of Forest, Chhimtuipui Wildlife Division, Pu C.Lalrinmuana chuan a sawi.

    Ngengpui Wildlife Sanctuary chhungah dan kalha chetna a tam ni a sawi awm chungchangah vawiin khan  Deputy Conservator of Forest Pu C.Lalrinmuana chuan The Lawngtlai Post  zawhna chhangin, thil awmdan hriatfuh tawkloh vanga  nih thu a sawi a, Ngengpui Wildlife Sanctuary chhungah Sanctuary tichereu zawnga chetna a awmloh thu a sawi a, Sanctuary chhehvel, Sanctuary pawnlam, Eco Sensitive Zone chhungah erawh phalna neia thingzai an awm thu a sawi a, kawngpawh khawtlangin an laih leh mimal in an ram pawhtura an laih Eco Sensitive Zone ah hian a awm thu a sawi a, Eco Sensitive Zone hi Supreme Court thupek in buaipui mek a nih thu sawiin, hemi huamchhung a chetvelna hi tun dinhmun ah an thuneihna in a huamloh chin a nih vangin hmalakna erawh chak taka neih hleihtheih a nilo a ti.

    Ngengpui Wildlife Sanctuary hrul mai a thingzai leh kawngpui sialte hi awm a nih vangin, Sanctuary chhung an khawih mai hlauhthawn thil ah ngun zawkin enfiah hna pawh an thawk tih Pu C.Lalrinmuana chuan a sawi.