Mobile Veterinary Unit pali hi Lawngtlai District a Rural Development Block pali, Lawngtlai, Sangau, Chawngte leh Bungtlang South Block ah te dah tur niin, Unit pakhat hian Doctor, VFA leh Driver pakhat theuh a kengtel a, hunremchang hmasaber ah Lawngtlai atangin dahna hmuntur panpui a ni ang.
Heng Mobile Veterinary Unit (MVU) te hi Livestock Health and Disease Control Scheme hnuaia programme pakhat Establishment and Strengthening of Veterinary Hospitals and Dispensaries (ESVHD) programme hnuaia State Sorkarin a dilchhuah niin, MVU man hi Central Sector component a ni a, a vaiin (100%) Sorkar laipui in tum a ni a. MVU pakhat man Rs 16,00,000 niin, a enkawl zuina, staff hlawh te, oil man, damdawi man leh mamamwh dangte chu state Sorkarin 10% tumin, a bak zawng 90% chu sawrkar laipui tum tur a ni a, Mizoram a RD Block hrang hrang 26 ah dahtur a ruahman niin, hnathawktu tur Veterinary Doctor 26 leh paravet 26 te lak fel tawh niin, Driver pawh tihfel a ni tawh.