Lawngtlai-Diltlang-Parva kawng siamthat hna BRTF ten an thawk mek.

     Lawngtlai District chhimlam mipui tana kawngpui pawimawhber  Lawngtlai atanga Diltlang South paltlang, Parva Kawng chu Border Roads Organisation chuan tunlai hian siamthat hna an thawk mek.

Lawngtlai leh Parva inkar BRTF ten an enkawlhi Kilometres 187 niin, kawng hi a that lemloh vangin BRTF kawng ah chuan Lawngtlai atanga Parva hi Motor in nikhat kal a ni deuh mai a, kumtinin ei leh bar thiarvelna ah harsatna a thleng thin a, kumin thallai hian kawng hi siamthat hna ngawrh zawka thawh niin, lei dawh laite pawh chhunzawm niin, a bikin Parva lam hnaih, kawngpui chu ngawrh zawka khawih mek a ni.

Hetihlai hian Kaladan Multi Modal kawngpui chhunin, PMGSY kawng chu Zochachhuah bul atangin Parva pawhturin sialmek a ni a, hna pawh zawhfel  ni tep tawhin, helai PMGSY kawng hi zawhfel a nih hun chuan Lawngtlai leh Parva inkar hi  darkar li, darkar nga vel ah thlen maitheih a nih a beiseiawm