Lawngtlai Chandmary Branch Young Lai Association te hmalakna in vengchhung chhiatni a hmantur motor thar an lei chu nizan khan Chandmary Inpui ah tlangzarhna hun hman ani.
Pu C. Kapzauva, Sr. Adviser Branch YLA chuan Ribbon chep chat in motor a tlangzarh hnu ah Rev. Dr. Lh. Lalpekhlua'n Pathian hnenah motor hlanna hun a hmang a, he hun Pu Neil H. Lalfakzuala, Vice President kaihruai ah hian Pu Alex Lalzawmpuia'n motor lei dan report a pe, report atanga a landanin motor hi vengchhung mipui sum thawhkhawm Rs. 12,44,670/- bakah hmundang atangin cheng Nuai 5 ngaihtuah belh atanga lei niin, hmantheih a peihfel a nih hian cheng Nuai 16 senral a ni
Branch YLA President Pu Hrilsangzuala chuan he Motor hi Chhiattawk an awm changa Damdawiin atanga ruang lak nan leh Thlanmual panpui nan te hmantur a ruahman a nih thu a sawi a veng mipui leh chhiat tawk chhungkua te kawng tam takin a chhawk zangkhai ngei a beisei thu a sawi bawk.
Tags
News