National Innovations in Climate Resilient Agriculture (NICRA) hmalaknaa Backyard Poultry Production (Rainbow Rooster) kalpui mek ah Krishi Vigyan Kendra (KVK) Lawngtlai ten hma an lakpuina hnuai ah Chawnhu a Pi F.Kapmawii chuan hlawhtling takin Artui tamchi Rainbow Rooster hlawhtling takin a vulh.
Nimin khan The Lawngtlai Post chuan Pi F.Kapmawii’n an Inbul a Ar a vulhna chu tlawhin, Ar vulhtu Pi Mawii chuan Rainbow Rooster chu vulh harsa a nihloh thu leh a hranpa a enkawl lutuk ngai a nihloh thu sawiin, a chaw atan pawh hnimhnah hring thlengin an eiduh vek thute a sawi a, Pi Mawii hian tundinhmun ah Arpui 50 vel a vulh mek a, a Ar vulh atang hian nikhat ah Artui 25 atanga 35 inkarte an neithei thin a, heng Artui te hi chhungkua a eisen chi a nihloh vangin sumlakluhnan a hralh chhuak thin a, inchhungkhur mamawh lam nan tangkaitakin an hmang thin a ni.
Dr.Lalthazuali KVK Chawnhu chuan The Lawngtlai Post zawhna chhangin NICRA hnuai ah Pi F. Kapmawii chu Ar vulhtura an thlan thu leh an tumber chu hlawhtling takin mahni Inbul ah Ar tui tam chi hi hautak silova vulh theih a nih leh nihloh enchhin a nih thute, hlawhtlingtaka Pi Mawiin Ar a vulh thei chu lawmawm an tih thute sawiin, a theih ang angin Pi Mawii Ar vulh chu an vilpui thu a sawi. Ar vulh lam a tuimite chu englaipawhin harsatna an neih ah puih an inhuam thute, biakrawn theih a an awm reng thu Dr Lalthazuali chuan a sawi.