Editorial || RALTANTE HI SAWIKHAWM NI SE.

Lawngtlai District hian ramdang Myanmar leh Bangladesh nen ramri intawm thuitak a nei a, Myanmar ram buai vangin an sahimna zawng Raltlan engemawzat Lawngtlai District ah an lut a, Bangladesh lam atang pawn Raltlan an awm nual bawk.

Heng Raltlante hian belhbik khua leh vengte neiin a theih ang angin enkawl chhoh mek an ni a, hetiang a nih mek lai hian, awmzenei zawka  an khawsak lailawkna tur hi Sorkar hian ruahman se a duhawm ngawt mai.

Lawngtlai District chhung, a bikin CADC Area lam ram awl remchang, kuthnathawk tan pawh eizawnna, chawhmeh leh thlai dang dang tharchhuah awlsamna te khu heng Raltlan awmmekte awmkhawm nan hian ruahmannise, an mahni enkawl leh thildang kawng hrang hrang ah pawh hmunkhat a awmkhawm an nih chuan a awlsamin, an khawsak hunchhung a lo rei ta deuh a nih pawn mumal zawkin thil a kalpui theih ngei in a rinawm.

Tuna an awmdan ah hi chuan thenkhat hi chuan Raltlan an nihnate an hre meuhlo tan niin a hriata, duattaka an mahni lo dawngsawngtu zahletna nei lemlo thlengin hriattur an awm chho mek a, boruak duhawmlo zawk leh khua leh tui diktakte chanvo min chuhpui hun pawh hi kan hlat vakin a rinawm loh.