Vawiin ni 6 December, 2022 (Tuesday) khan Shri. Prahlad Singh Patel MoS for Food Processing, Industries & Jal Shakti chuan Lawngtlaiah BJP Office tlawhin, Party mipui te hmaah thusawina hun tha tak a nei. Union Minister Shri. Prahlad Singh Patel hi Lawngtlai Helipad-ah Party aiawhin Pu T. Zakunga MDC, State BJP Vice President, Pu TC. Rorelliana General Secretary BJP Lai Autonomous District leh Pu Lalzirtluanga General Secretary BJP Lai Autonomous District ten an lo dawng sawng a, Mampui Village a tlawhnaah an tawiawm nghal a ni.
Union Minister Shri. Prahlad Singh Patel hian Chawhnu dar 1:20 khan BJP Lai Autonomous District Hqrs: Lawngtlai Office tlawhin, Pu H. Chhuanawm Ex-EM, BJP LADC Core Committee Member in Office kawt atanga a lo dawng sawng a. Minister Chawnglawmna hun hman niin, Pu F. Rohnuna Ex-CEM, Adviser BJP LAD in hun a kaihruai a, party aiawhin kan duh leh mamawh te thlenna hun a hmang nghal a ni.
Union Minister Shri. Prahlad Singh Patel chuan thusawina neiin, vawiin a in thil nghahhlelh em em 125th Constitutional Amendment Bill 2019 (Sixth Schedule to the Constitution of India) hi kan ti ngei ngei dawn. BJP chuan a thil tiam tawh chu a tihlawhtling zel thin a, chuvangin, he thil pawh hi kan ti ngei ngei dawn tih hi inhriat ka duh a ni a ti. Minister Shri. Prahlad Singh chuan, ka department enkawl mek Jal Shakti hnuaiah India rama thingtlang khua kilkhawr ber thlengin, tui intur thianghlim intinah herh haw a nih theihna turin hmalak mek a ni a. Mizoramah pawh Jal Jeevan Mission (JJM) hi kalpui mek a ni a, chuvangin, he thil hi eng chen nge hmalak anih tawh hriat duhin ka rawn kal a ni. Nakkum March thlaah khian JJM hnuaia hmalakna hi, hawng turin ka rawn kal leh dawn a. Tin, he hmalakna kalpui mekah hian, hmanrua hman tur diktak hman a ni em tih hi DPR nen ka enmil vek ang a, thildiklo a awm a nih chuan action ka la nghal dawn bawk a ni a ti. Minister chuan, Prime Minister Pu Modi-a kaihhruai sorkar chuan, hnam hnuaihnung leh tlem zawk te a ngaihsak em em a, dinhmun thaa an din a, an hmuh tur ang hmasawnna pek hi a thil tum lian ber a ni a ti.
Minister Shri. Prahlad Singh Patel hi chawnglawmna thilpek Pu JC Ngurluaia Sr. Vice President BJP LAD, Pu T. Zakunga MDC, State BJP Vice President leh Pi Zozami General Secretary Mahila Morcha ten an pe a. Hetianga Laifate min ngaipawimawh a, kan ram leilung min rawn tlawh a, hmasawnna hnathawh mek min rawn ngaihven saktu Minister kan nei hi kan chhuang a, party mite min ngaipawimawh a, office min rawn tlawh sak thei hi BJP Lai Autonomous District Hqrs: Lawngtlai chuan lawmawm kan ti a, a chungah lawmthu kan sawi a ni.
Issued by : IT & Media department BJP Lai Autonomous District Hqrs: Lawngtlai