Ruhro hi bankhur laihna lamah haichhuah niin, hmeichhe kawrhnuai (Bra) leh Kekawrte elastic ni a rin hmuhtel a nih vangin, hmeichhia a nih rin a ni.
Lawngtlai Police te chuan helai hmun hi pannghalin, hnuchhuinan leh tulpawimawh leh tangkai theitur ang te an lakhawm nghal a, Additional SP Pu C.Lalruatkima chuan tun dinhmun tunge a nih tih leh chanchin dang hriatmai theih a nihloh thu The Lawngtlai Post a hrilha, a tul angin thiamnabik neiten an chhuizui turin ruhro leh thawmhnaw te chu hmunpui lamah thawn an tum thu a sawi.
PHE Department Complex vel hi thenkhat chuan tunhmain thlanmual atana hmanthin niin an sawi a, a chhehvel hnaivai ah pawh ruhro haichhuah a lo awm tawh ni a sawi an awm bawk.
Pu JH Vanramngaia New Vengpui chuan kum 1960 ah tuna an awmna New Vengpui ah hian an awm tan thu sawiin, chunglai chuan tuna PHE Department Complex hi PWD, I.B Pui atan hman a nih thu a sawi a, 1960 chhovel ah chuan henglai mual hi Thlanmual atan hman a nihloh thu The Lawngtlai Post a hrilh.
The Lawngtlai Post thulakna thenkhat chuan PHE Department Complex chhehvel bakah BCM, Immanuel Biak In bawr vel ah pawh ruhro haichhuah a lo ni tawh thu an sawi.
Nimina ruhro haichhuah hi finfiahna awmthei mai a nilo a, EE, PHED Quarter hlui thiahtak, Varanda hnuai vel a awm niin an sawi.