.jpg)
Kumtam a la liamlo, chanchinthar leh thlalak ang chite chu Chanchinbumite thehdarh tur chauh a ngaih hunlai kha. Tunah chuan mitin tihtheih deuhthawin smartphone kan humin, Internet hmangin khawvel kan awpchho deuhfur tawh a, a him leh himlo angte, thehdarh awm a nih leh nihlohte ngaihtuah lemlovin kan ri deuh bawrh bawrh a ni ta ber a, hremna tuar pawh an awm ta fo mai.
Kan chanchin miten an hriattur atan hian a chhelam hi lohtheihloh a nihloh chuan thehdarhlo ila, thlalak leh video ang chi, kan mawilohnate, fellohna lai langthei ang chite hi a tul ngang a nihloh chuan thehdarhlo ila, chu chu ram leh hnam humhalhnan thil tangkaitak niin a hriat a, midangin min enhniama, min nuihzui theihtur ang chi thehdarh kawngah insum a tha khawp mai.
Tunhnaite a Kohhran pakhat Thalai pawl inkhawmpuia, Zaipawl Conductor, engemaw harsatnabik riau a neih vanga tlai hret angte kha, thehdarh nuamti fe fe keimahni ah pawh kan awmfur awm e. Thilthleng ngei nimahse Kohhran Thalai inkhawmpui ah, kha video lo kha thehdarhtur a tam dawn tehreng nen, kan rilru hi a letzawng hian a chakin, thutak aiin, engemaw mai mai buaipui hi kan awlsamin nuam kan ti deuh mah mah in a hriat.
Thlalak leh video thehdarh ah hian i fimkhur teh ang u, thubuai neih kherna tlinglo thleng hian kan fimkhura, ram leh hnam tan a him leh himloh thlenga chhut keuh keuh peihte hi Smartphone hum chunga Smart-na a ni tih i hrethar teh ang u.