Tukin zinglam dar 3:30 bawrvel khan Thingfal dai, Thingfal leh Thingkah inkar, Thingfal atanga KM 1 vel a hla ah Pick-up Truck MZ 07- 8876 chu chesualin, motor chuang mi palite a hmun ah an thi vek.
Chetsualna thlenlai hi hmutu leh hretu an awm mailoh vangin, an chetsual thu hi hriat a ni mailova, chanchin hriat a nih ve leh Thingfal khawtlang bak ah Thingkah leh Lawngtlai atangin mithahnemtak chetsualna thlenna hmun ah hian an kal nghal a, Central YLA chuan a theih ang angin hmalakdantur ruahman nghalin, LADC a mipawimawhte pawh chetsualna hmun hi an thleng nghalin, Tuithumhnar bialtu MDC Pu Lalmuansanga pawn chetsualna thlenna hmun hi a thut chilh a, chetsualna hmun hi kham sangtak a nih vangin ruang hi lakchhuah zung zung a harsa deuh a, vawiin tlai dar 5:10 khan lakchhuah kim an ni.
Chetsual na a thite hi:-
1.Lalbahadur (25) s/o Bathauha
2.Lalremtluanga (21) s/o C.Simona
3.Eliza (11) s/o Robichondro
4.Johna (21) s/o Risiha, an vaiin Sabualtlang khua vek an ni.
Ruangte hi Thingfal Community Hall ah lak niin, thlahna neih anih hnu ah Lawngtlai lam panpui tura ruahman a ni.