Editorial || RAM HMANGAIHTU AN TAM LEH TAN TAWH.

  Dan pangngai ang chuan nakum tawplam khi Assembly inthlanpui neihhun tur a ni a, tumdang ah chuan inthlan dawn hnaih hi Campaign thawm hriat tan hun a ni deuh mai thin a, nakum a inthlanpui neihtur hi Political Party ten an urlawk nasain, kumin chhung pawn inthlanpui nen a ngaihzawn theih thil tamtak hriattur a awm chho mek.

Ram hi hmangaihtur chu a ni teh meuh maia, awmzeneia hmangaihtu Mizoram hian a mamawhzia chu mipuite hi a hrechiangtu an ni a, vote thlaklo thei silo, vote tur mumal hresilo mitamtak an awmmekte hi mak thlira thlir chi an nilova, Political Party ten awmzeneia ram an hruailoh vang a hetiangmi hi pungchho zel an nih vangin, tute pawhnise, ram hruaitute tan chuan thil zahthlak a nihna lai a awmin a hriat a ni.

Political Party tana Campaign thinte hian ram an hmangaih takzet em tih zawhna hi anmahni aia chhangfiah theitur an awm chuang lova, an tanlam an chak huna eng eng emaw therhlo beisei vanga thapui chhuaha bei ta chiam chiam hi an awm teuh mai awm asin.

Tunah pawh ram hmangaihtu an pung chho tan tawha, kum a thar meuh chuan an rawn vir leh sup sup dawn, hengho lakah hian khua leh tui diktak, chanvo hlutak neitu Voter te chu, tutute emaw chhemnghin theih mai mai an awmloh a pawimawh a, Politician te hian Voter ang chauh a mipui an hmu hi a tlawmthlak a, khua leh tui kan nihna min hmuhsakse, an hmangaihte lakah hian an tihtur hi hlenchhuak thin teh se.