Executive Secretary hian Ningani khan LADC Office, Sub Headquarters, Bualpui Ng a tlawh a, Pu Zirliantluanga Tinthe, Revenue & Settlement Officer, Sub Headquarters: Bualpui Ng leh thawktu dangten lo dawngsawngin an inkawm a, Pu H.Lalruatkima chuan , District Council hnuaia thawkte chu State leh Central Sorkar hnuaia thawk te nen dinhmun in angreng an nih thu sawiin, dinhmun hniam zawka awma inngai an awm thin a, an hnathawh leh mawhphurhna inanglo lai erawh an hnathawhna hmun a zirin a awm thei thu a sawi a, mahni hmazawnna tih tur awm ang angte thahnem ngai taka thawk tur leh , ram leh hnam tana thawk an nih angin theih tawp chhuaha thawk theuh tur leh Office hunbi ngai pawimawh turin a chah a, EPF an hman mek chu a rintlak a, an pawisa dah te a him thu leh EPF hi thawktu ten an chhawr tangkai thiam tawh hle a, tangkai zawka chhawr tangkaia, hmasawn pui zel turin a chah.
Hemini vek hian Executive Secretary hian Sangau Division Office a tlawh nghal a, Pu F.Biaksanga, Revenue & Settlement Officer kaihruaina in, LADC hnuaia thawkte nen inkawmin, Pu H.Lalruatkima ES chuan , Sangau Division a Staff-te chu Lai tawng thiam leh hmang deuh vek an ni chu fakawm atih thu leh hmang uar zel turin a chaha, thawktute nen hmalakho dan turte an sawiho.
Pu H.Lalruatkima hian Zirtawpni khan Lungtian tlawh in Pu C. Thanchhuma Asst. Revenue & Settlement Officer, Lungtian Division leh thawktu dangten lo dawngsawngin, an inkawm a, Pu H. Lalruatkima chuan Staff te nen a in hmelhriatna tha zawk an neih theihnana tlawh a nih thu sawiin, Political vang a Staff te chu action lak ngai awmlo tura a duh thu a sawia, thawktute chu, kawng engkimah Rinawm leh taima taka thawka Office kal ngai ngaih pawimawh turin a chah
Executive Secretary hi Pu. K. Lalthanzara Senior Revenue & Settlement Officer leh Pu. K. Lalromawia DCCF ten an tawiawm