Tukin zingkar khan Zoram Drivers Union, Sub-Hqrs. Lawngtlai ten Fimkhurna Hapta (Road Safety Week) an hmantur chu, DC mawhphurhna lamektu, Pi Marilyn Rualzakhumthangin a hawng.
Lawngtlai Bazar Venga Areopagy a he hun hmanna a Khuallian Pi Marilyn Rualzakhumthangi chuan tunhnaiah Mizoram ah lirthei chetsualna hriattur a tam hle a, Lawngtlai District mi leh sate tun hnai lawka Pickup Accident avanga mi pali laiin nunna an chan te kha a pawi takzet tih sawiin, Driver te hi mi nunna leh thihna chungchanga mawhphurtu pawimawh tak an nih avangin, Lirthei an khalh laia harsatna thleng thei, mutchhuak, Ruihtheihthil leh inthlahdahna lakah inthiarfihlim a, fimkhur taka an Passenger te an thlenna tur hmun, himtaka hruai thlen chu an hna pawimawh ber a ni tih hrereng turin a chah.
He huna thusawitu dang Pu Joseph Lalthansanga Pachuau MVI, Lawngtlai chuan December Ni 14. 2007 ah District Transport Office chu hawn tan niin, December Ni 7.2022 thlenga Lawngtlai District a Motor Registration tihzat chu 9066 anih thu sawiin, Kumin 2022 January atanga December Ni 7 thleng hian Motor 860 Registered niin, Driving License 889 pekchhuah a ni a, Learner License 1552 pek chhuah anih thu a sawi. Pu Joseph a chuan Lirthei a pun chak laiin, kan kawngpui te a zauhbelh tawh loh avangin Lirthei khalhtute an fimkhur zual angaih thu a sawi a. Two wheeler khalhtu, Helmet khum tha ber a a hriat. Pu A.Malsawma, Lawngtlai Bazar chu Lawmman atan Rs 1500/- ama sum atangin a a hlan.
Lawngtlaia Road Safety Week hawnna inkhawm hi Pu B.Zothanthuama, President.ZDU Sub.Hqrs.Lawngtlai chuan a kaihruaia, Mipuite leh Lirthei khalhtute tana hriattur pawimawh thuziak chu Pu C. Rochungnunga, President Mizoram Government Drivers Assoctiation, Lawngtlai District chuan a sawifiah hnu ah sem chhuah zui nghal ani.
Tags
News