Nimin tlailam dar 4 vel khan Power & Electricity Department, Lawngtlai a thawk, Pu Francis Rochungnunga,kum 30, Lawngtlai College Veng chu AOC veng a Power line a siamlaiin Electric current in manin, District Hospital panpui nimahse, chhan theih a nilo.
Tarlan tawh angin Pu Francis Rochungnunga hian Power line an siamdawn hian Control room lam bepawpin, Shut-down a lakfel hnu ah a banah lawnin engemawchen hna a thawh hnu ah Current hian a man ta a ni, vanduaina a thlen hnu hian District Hospital panpui niin, a nunna chhan theih a ni talo a, tukin ah Postmortem tihfel a nih hnu ah an khua Cheural panpui a ni. Pu Francis Rochungnunga hian a nupui leh a fanute pahnih a kalsan
Vanduaina a thlen vang hian nizan khan Young Lai Association Member engemawzat chu P&E Lawngtlai Division Office tual ah pungkhawmin mawhphurhtu hrem an phut thute, zangnadawmna pek an phut thute an sawi a, hmalakna rangtaka kalpui nghal niin,vawiin khan Lunglei Power Cirdle a S.E Pu H.Zonunsanga leh E.E pahnih chuan thilthlendan chuichiangin Lawngtlai an thutchilh nghal a, Central YLA hruaituten Power House hi an thutchilh reng bawk a, hethilthlenga mawhphurtu ber a ngaih SDO Pi Lalnghakliani chu Suspended niin, vanduaina thlenlaia Control room a duty chu Lawngtlai Police ten thubuai an siamsak tawh a, vanduaina thlenna bialtu J.E pawh chhuichian nghal a nih thu P&E hotute chuan an sawi.
Pu H.Zonunsanga S.E chuan Pu Francis Rochungnunga;n a kalsan tak, a chhungte atangin hnathawktheitur an awm chuan an thawh awmtawk Sorkar chuan a ngaihtuah nghal tur thu a sawi a, October Ni 14 a Rulkual khawmi pathum in nunna an chan phahna pawh a hmunah enfiah ni tawhin, thuneitu sang zawkah report thehluh a nih tawh thu a sawi bawk.
Vanduaina tawkte chu zangnadawmna pek an nihtur thu P&E hotute chuan an sawilang bawk.