Mizoram Nursing Council (MNC)-in 1st year leh 2nd year ANM/Health Worker Exam, September 2022 result a tihchhuahah ANM School Lawngtlaiin result ṭha tak an nei leh ta a. 1st year leh 2nd year-ah topper an nei a ni.
ANM School Lawngtlaia 4th batch, 2nd year (final year) zirlai 20 zingah 4 chu Distinction-ah pass-in, First Division-ah 6, a bak mi 10 chu Second Division-ah an pass a. Mizorama ANM/Health Worker training school 5 aṭanga candidate 86 zingah ANM School Lawngtlai aṭang hian mi 4 - Mizoram topper Lalṭhasangi, 3-na C. Lalchawimawii, 6-na Lalhundiki leh 9-na Rebek Lalthianghlimi te chu top 10-a lang an ni.
5th batch zirlaite pawhin 1st year result ṭha tak neiin, zirlai 20 zingah Distinction-ah 1, First Division-ah 4, Second Division-ah 11 leh pass pangngai 4 an awm a. Mizorama ANM/Health Worker training school 5 aṭanga 1st year candidate 124 zingah ANM School Lawngtlai aṭang hian mi 3 topper S. Lalvenpuii, 2-na Rodingpuii Hmar leh 4-na HC Juliana Lalhruaizeli te chu top 10-a lang an ni.
ANM hi kum hnih zir niin, ANM School Lawngtlaiah hian tunah 6th batch (1st year thar tur) an lut fel leh tawh a. A din tirh aṭangin 1st year leh 2nd year-ah Mizorama result nei ṭha pawl an la ni chho char char a. Thawktute leh zirlaite an lawmpuiawmin, an fakawm tak zet a. Lawngtlai hming an tithangmawi ṭhin hle a ni.