ZPM Working President, Pu K.Sapdanga’n ZPM in ADC hmasawnnatur an duh thu a sawi.

      Nimin zing khan ZPM Working President Pu K.Sapdanga chuan Areopagy ah mithar lawmlutin, mipui hma ah thu a sawi a, LADC huamchhung atangin thiltha tam tak chhuak thei a awm tih sawiin, Airfield turte,  Multi Modal kawngpui sial mekte, Chamdur Project te hi haider theih anih loh laiin, Mizoram MNF Sawrkar chuan a haiderlui tlat hi a pawi takzet a, ZPM kan sawrkar anih chuan Look South Project kan siam ang a, heng thiltha awm te hi kan tihhlawhtlin hmasak turte a ni ang  a ti  a,  kum   2023 a   inthlanpui kan neih tur ah, ZPM chu a sawrkar ngei dawn a, chu chu Neutral leh Sawrkar hnathawk ten an nghakhlel hle a ni ati bawk.

Pu K Sapdanga chuan , State Sawrkar chuan Autonomous District Council te chu Sum siamna atan a hmang mai mai tawh a, Central atanga sum lokal,  ADC hmasawnna tur chu  duh duh a lo khawih kual vel chu an duhdan a ni a. ZPM chuan ADC chu chawikan kan duh a, in nih tur ang in nih hi kan duh ber a ni a ti.

  Val Upa Council chuan Chief Ministerial Candidate atan Pu Lalduhawma an ruat hi, kei pawhin ka pawmpui a, a rawttu zingah ka tel nghe nghe a, Party dang ten kan inkarah khi awm anga an sawi hi thil an hriat chian loh vang a ni tih Pu Sapdanga chuan sawilangin, ZPM tichhiat tuma dawt chitin renga min puhna hi lo awih suh u tiin, kum 2023 MLA Inthlanna kan neih turah ZPM chuan eng Party mah thawhpui a tumna a neilo a ti.

Pu K.Sapdanga chuan ZPM zawmthar mi engemawzat a lawm luta, a lawmluh zingah hian Pu H.Thangchemsanga, Ex-MDC,  Pu PT. Chuanglura, Ex-MDC te an tel. Pu H.Thangchemsanga chuan  MNF Party ah kum 30 chuang a awm hnu ah, MNF chuan  ADC te dinchhuahna leh thuneihna sang zawk an neih hi a duhlo hle a, dinhmun sang zawka an awm tur hi a dang tlat tih a hmuh chian avanga MNF chhuahsan a, ZPM Party zawm ta anih thu a sawi.