PM-FMFE Scheme chungchang zirhona Lawngtlai ah buatsaih ani.

     
        Commerce & Industries Department leh Lead Bank, Lawngtlai tangkawp buatsaihin vawiin khan BDO Conference Hall, Lawngtlai ah Pradhan Mantri   Formalization of Micro Food Processing Enterprises Scheme chungchang zirhona neih a ni.

        He hun ah hian Pu HB Lalremmawia, Promotion Officer, Commerce & Industry Department leh Pu Lawmkima, Lead District Manager bakah Pu Henry Saingura District Resource Person ten awmzenei zawka eitur siam kawnga kuthnathawktuten Bank kaltlanga hamthatna an hmuhtheihna tura Central Sorkarin Scheme a duan Pradhan Mantri   Formalization of Micro Food Processing Enterprises Scheme chungchang  an zirtira, kalkhawmte atangin hriatthiamloh leh hriatbelh duh an neihte sawihona leh zawhna leh chhanna hun te hman niin, Lawngtlai khawpui chhung bak ah khawpui chhehvel a helama tuimi leh hmalakna kalpui mek te an tel.

    Pradhan Mantri   Formalization of Micro Food Processing Enterprises Scheme hnuaiah hian eitur sawngbawl leh siamchhuah lama  eizawna nghialnghet zawk nei duhte tan Subsidy Loan pekchhuah theih a ni a, hrechiangduhtan Commerce & Industries Department lam ah ngaihven theih a nih thute sawilan niin, tih tak taka hmalatute dawmkanga, hlawhtlinna an neihngei theih nan a puih chu he scheme in a tum ber a ni.