Siaha ah PM-FME Scheme Awareness Programme hman a ni.

    Ministry of Food Processing (MoFPI)  Govt. of India leh Dept. of Commerce & Industries, Govt. of Mizoram te chuan tunkar chhung hian Mizoram pumpui ah PMFME SCHEME (FOOD PROCESSING) atan Awareness programme an hmang mek a, chhim lamah  Lunglei,Lawngtlai ah te programme an hman hnu in  vawiin ni 26.10.2022 hian Siaha ah he programme hi an hmang leh a, he hun hi Pu C.Ngurchhunga,DCIO in kaihruaiin, Bank lam aṭangin Lead District Manager leh District Resource Person ten hun an hman hnu in State Nodal Agency, Commerce & Industries Dept. aṭangin Pu HB Lalremmawia, P.O.(ID)chuan kalkhawm te hnenah scheme kalphung leh mimal, pawl leh agency te tan he scheme pawimawhna leh mipuite chhawr ṭangkai theih dan a sawi leh a,  a mamawh te tan online application, internet hmangin an tihsak nghal a, food processing lama tui ten leirem an rahna tur leh eizawnna atana hmang ten lawmawm an tiin, an hlawkpui hlein hriat a ni. Hnahthial leh Serchhip lamah hun hi hman zui zel a ni ang. 

   

     Hemi programme hi Champhai, Khawzawl, Saitual,Mamit leh Kolasib ah te pawh hman mek a ni a, District dang zawng zawng tih zawh ah hian Aizawl District a Veng hrang hrang te tan programme dang siam zui leh tura ruahmanna siam leh mek a ni.