GENERAL HEADQUARTERS : LAWNGTLAI
Activity Report
Ni 27th October, 2022 ah hian Govt. Lawngtlai College ah Deputy Librarian emaw Assistant Librarian emaw dah turin Dr. R. Lalthangliana, Minister, Higher & Technical Department, etc. Govt. of Mizoram chu a office ah LSA President Pu. F. Vanlalruatpuia leh hruaitu dang ten hmu in inbiakna neih a ni. He hunah hian Govt. Lawngtlai College in kan mamawh Library enkawltu Pu. Lawmtluanga, Library Assistant chu ni 30th April, 2022 ah a lo pension tawh a, tun thlengin a aiawh dah a la ni lova. Minister hnenah hian Deputy Librarian emaw Assistant Librarian emaw tal dah turin ngen a ni a, kan ngenna hi Minister pawhin kan mamawhna te min hriatthiam sak in a rang thei ang ber a bawhzui a nih theihnan Pi. Sangchhin Chinzah, Director, Higher & Technical Department chu phone in a be nghal a, forwarding letter tepawh min ziahsak nghal a, hun reilote ah a hlawhtlinna tepawh kan hmuh ngei kan beisei a ni.
Heng bakah hian Principal nghet leh thawktu dang tepawh kan indaihlohna tepawh sawipui a ni bawk a, Minister pawhin thawktu dang te chu proposal siam a nih tawh thusawiin hun reilote ah a hlawhtlinna kan hmuh ngei kan beisei bawk.
He hunah hian Pu. H. Biakzaua, MLA & Vice Chairman, Agriculture Development Board leh Pu. C. Rongura, EM I/c Local Administrative Department, etc. LADC ten min telpui bawk a ni.
Sd/-
(MC. VANLALROVA LAI)
General Secretary
LSA GHQ Lawngtlai