October, 14, 2022 Zirtawpni a Rulkual khua a electric line chhia siam tha tura hnatlang thawk zing a mi, Bungtlang South Line kal tir dan fel tawk loh avanga mi pathumin nunna an chan bakah midang pahnihin hliam an tawrhna chu vawiin khan Power & Electricity Department hotuten a hmun ah an enfiah a, Paithar Group Young Lai Association chuan vawiin khan thuchhuah siamin, vanduaina thlen chhan dik tak leh mipui tana him lo taka electric line kal tirtu chhui chianga, mawhphurtu chu a phu tawk hremna pe ngei tur leh electric line him zawk tura siam tha turin Mizoram sawrkar an phut.
October 14 khan Lawngtlai District chhung Rulkual khua power lakna chhia siam tura hnatlanga thawkchhuak mi pathum chu, Current kal thut vangin a hmun ah an thi a, midang pahnihin hliam an tawrhna kha, vawiin khan P&E Department atangin (The Lawngtlai Post) Member pathum awmna Departmental Inquiry Commission Pu H. Zonunsanga SE. Lunglei, Pu R.Romawia Chief Electrical Inspector leh Pu Lalsangzuala Sailo ten enfiahin khawtlang hruaitute an kawm a, P&E Department hotute hi Pu Laldawngliana E.E Lawngtlai Division leh a thawhpui ten an tawiawm.
Hetihlai hian vawiin khan Paithar Group Young Lai Association chuan thuchhuah siamin, helai line siam a nih lai vel pawn vanduaina thleng palh thei laka himlo ni a an hriatthu, P&E hotute hnen ah an lo thlen tawh thin thu leh an thuthlen chuan ngaihpaiwmawh a hlawhloh vanga vanduaina liantak tawk ta an nih thu tarlangin,(The Lawngtlai Post) Kawlchaw line leh Bungtlang South line inhnaih lutuka kaltir, hmun thenkhatah ban intawm leh hmun thenkhatah line inhnaih tak tak te chu EE, P&E Dept. Lawngtlai Division hnenah kum 2018(The Lawngtlai Post) atang khan vawi eng emaw zat an thlen tawh thu te, vanduaina thlen chhan dik tak leh mipui tana him lo taka electric line kal tirtu chhui chianga, mawhphurtu chu a phu tawk hremna pe ngei tur leh electric line him zawk tura siam tha thuai tura sawrkar kan phut thu thuchhuah siamin an tarlang a
Hemi hmalam hian Central Young Lai Association bakah Rulkual khawtlang chuan, Sorkar chu thilawmdan chhuichiang a, hrem ngai hrema, vanduaina tawkte zangnadawmna petura an duh thu thuchhuah an lo siam tawh bawk.
Tags
News