India hmarchhak a Autonomous District Council te Football a inelna, 1st Inter Sixth Schedule Council Premier Leaque khelh mekah Lai Autonomous District Council team-in final an lut
1st Inter Sixth Schedule Council Premier Leaque khelh mekah October 20, 2022 khan Dima Hasao Autonomous District Council (Assam) leh Lai Autonomous District Council (Mizoram) te chuan KDSA Football Ground, Kokrajhar-ah Semi Final match hnihna khelin hun pangngai ah 3-3 a inhneh tawkin, tie break hmanga chak zawk zawnna neiin LADC chuan 4-2 in hnehna an changin Final an lut
He inkhelah hian Lai Autonomous District Council player Francis Remruatsaka chu Man of the match atana thlan niin, pawisa fai Rs. 10, 000 hlan a ni a. Francis Remruatsaka hi Man of the match-ah vawi hnih thlan a ni tawh.
1st Inter Sixth Schedule Council Premier Leaque hi Bodoland Territorial Council chuan thlengin October ni 9 khan Udalguri district-a Dimakuchi Mini Stadium-ah tan a ni a, October 23 khian Kokrajhar-a SAI, SAG Centre Titaguri-ah neih a ni dawn a, Final-ah LADC leh a thlengtu Bodoland Territorial Council te an intum ang.
LADC Team tawiawm tur hian LADC a Executive Member leh hruaitu thenkhat ten Zirtawpni khan Lawngtlai an chhuahsan