.jpg)
Central YLA DRS leh Sorkar hmalakna vangin Lawngtlai ah ruihhlo a vang tan a, hunreilote chhungin hmalakna in awmzia a neih nasatzia hmuh hian, Lawngtlai hi a la chheveklo tih a lanfiahtir in a hriat.
Police ten an chhinchhiahdanin September thla pum pawh nilo, Ni 10 emaw chhung lek khan Cheng Nuai 71 chuang hu Heroin No.4 man a ni a, nitinin CDRS lamten an man reng bawk a, ruihhlo zuar leh tithinte an chepchho viau tawh a, heihi ngaihthatnan a hman chi erawh a nilo thung a, an tawmim laitak hi tanlak zual ngaihlai a ni ang.
A mamawhtu tihtlem hi a dona atan tangkaitak a nih laiin, kan dinhmun hian a zawhlohna lai a la tam a, a rawnluttur ven erawh tun dinhmuna a dona atan kawngzawh awlsam ber a ni maithei.
Nileng zankhua a dutyte an hahin, tlawmngaia thawk na na na chuan tlinloh leh chauh hun an neidawn. Sorkar hian engtinnge ruahmanna a siam a, a bawhzui tih hi a pawimawhlai tur niin a hriata, hmanni lawka Minister in ruihhlo dona tur a hawnte kha, kan NGO lam hian thapui atan rintlak atan an neihtheih tur a kalpui a ni angem ?
Ruihhlodo hi Spring nembeh nen a inang deuh a, thlahdul rual a rawn inperhchhuak leh maithin a nih vangin, teirei peih leh teirei theih hi a pawimawhlai ber a ni awm e.