.jpg)
Mi zawng zawngin rorelna dawhkan an kil a remlova, an aiawha thuneihna changtur an thlang chhuak thin a, chungte chuan ramin a mamawh angin hmalakna an kalpui thin a, tuntumah pawh Auto Rickshaw Permit pekchhuah chungchangah pawh, thenawm Maian tel inpek anga sem a nih ngawt a rinawmloh a, LAROA te inhnukhiama, mipui harsatna hrechung leh anmahni ngei pawn nasa zawka an tawrhloh nan lungawilohna an lantir an titawp thei hi an fakawm khawp mai.
Inremna hian rahtha chhuah sela, Sorkar pawn mipui thlir chungin hmala zui se, hetihrual hian, eizawnna a ni a, tuna Auto Rickshaw awmzat atanga chhutin Permit tamtham deuh zawk pawh pekchhuah a lo nih pawn, tihtak takna nen mahni hna a rinawmtak chunga hnathawkte tan tlakchhiat ngawtna tur khawpin sorkar a che dawnlo tih ringngam chungin, Auto Rickshaw service hi khawpui dang te pawn an entawn tham a dawmkang theitu chu tuna LAROA Member te hi an ni a, tanlak thar nan hmang se a duhawm khawp mai.
Kan sawitawh angin, tun dinhmunah chuan Auto Rickshaw Service te hian mipui an mamawhna aiin, mipuiin an service an mamawhna hi a la lian zawkin a hriat a, khawvel chu a thei leh taima leh rinawm, thawkrimte dinchanna a ni a, service tha zawk pekchhuah kawngah tan la sauh sauh sela, chu chuan thildang ah pawh mipui thlawp an hlawh nasat phah in a rinawm.
Lawngtlaia kan Official te an fakawm a, tualchhunga harsatna thleng feltaka an chingfel thei hian an rintlakzia a lanfiahtira, Association lam pawn inphahhnuai ngaihhun an thlir thiam hi a hlu a, hunlo kalzel turah pawh mipui harsatna thlenlo zawnga hmalakna kalpui dan dap zel sela, harsatna inphuhru tawn nun hi a hlu khawp ania.